બાલપણની યાદો

એ યાદ નથી જાતી,એ મીઠું મલાકાતી;

માડીનો માથે હાથ ફરે,ને હાલરડા ગાતી………… એ યાદ નથી જાતી

એ કોડી લખોટીની રમતો,એ ગિલ્લી ડંડા રમતો;

લડવું પાછા આવી મળવું,પછી મૈત્રી ફરી થાતી… એ યાદ નથી જાતી

એ વડવાઇઓમાં લટકી,એ ખાટી કેરીની કટકી;

શિયાળાનો કુંણો તડકો,મોસમ એ મન ભાતી……. એ યાદ નથી જાતી

એ કાગળના કટકા ખોડી,એની બનાવવી  હોડી;

વર્ષાના પાણીમાં તરતી,વહેતી દૂર સુધી જાતી….. એ યાદ નથી જાતી

એ દાદી ખોળે સુવાનું,ને ના મળે સુવા રડવાનું;

વાતો સાંભળતા બાળ પ્રભુની,આંખો મિચાતી…….. એ યાદ નથી જાતી

૨૭-૦૩-૨૦૧૫

Advertisements