કેટલો ઉન્માદ છે

(રાગઃ આપકી આંખોમેં કુછ મહેંકે હુવે સે રાઝ હૈ)

મન મહીં વ્યાપી રહેલો, કેટલો ઉન્માદ છે;

તે મહીં અટવાયલી, વ્યાપી રહેલી યાદ છે

 મન મહીં વ્યાપી રહેલો….

નભ મહીં સૌ વાદળા, જે વાયરે વિખરાય છે!

કેશ તારા ગૌર વદને, એ થકી પથરાય છે?

વાયરાની આ રમતને, આપવાની દાદ છે!

મન મહીં વ્યાપી રહેલો….

આંખમાં આંખો પરોવી, એમ ના જોયા કરો!

યાદ તાજી થઇ જતા, આંસુ વહે લુછ્યા કરો;

ને પછી સૌ ધડકનો, આપી રહેલી સાદ છે!

મન મહેં વ્યાપી રહેલો….

તું ‘ધુફારી’ને મળે કે, ના મળે જોયું જશે!

જો મળે છે ખાતરી કે, મન બહુ મ્હોયું હશે;

એટલે છે દિલ ‘ધુફારી’ પ્રેમથી આબાદ છે!

મન મહેં વ્યાપી રહેલો….

૧૬.૧૦.૨૦૧૯