“મુકત્તક”
મેં તને મળવા ચહી તું આંખથી ઓજલ થઇ
નિદ્રા વગર જાગ્યો હતો આંખ પણ બોજલ થઇ
મુદ્રિકા પહેલા મિલનની યાદમાં તેં આપી હતી
મેં ધરી છે ત્યારથી આ આંગળી બોજલ થઇ
૨૭/૦૫/૨૦૧૧
-@-
ઝંખના પામ્યા પછી પણ એમ શાને થાય છે,
ઝંખના મારી ન’તી આ એમ શાને થાય છે;
મયકદામાં જામ ઠલવાયા “ધુફારી” કંઠમાં,
ઝંખનાના જામ નો’તા એમ શાને થાય છે,
૧૭.૦૪.૨૦૦૭
-@-
આજ કાળા વાદળો છે આભમાં,
ઘોર અંધારૂં થયું છે આભમાં;
છે ઘટા ઘનઘોર રાતી વિજળી,
જો થશે વરસાદ તો છે લાભમાં.
૧૯.૦૨.૨૦૧૨
-@-
રોટલીની લાલસા કેવી પડી માનવ મહીં,
રોટલી આગળ ધપે ને માનવી પાછળ રહી;
પેટને પાપી કહીને પાપ કરતો માનવી,
શૂળ ઊભા એ કરે છે આમળી કે વળ દઇ.
૧૯.૦૨.૨૦૧૨
Filed under: Poem | Leave a comment »
ધુફારી 